Peran Roh Kudus dalam Hidup Orang Percaya (Yohanes 14:15-26)

Mangolophon Jala Manghatindanghon

Gogo Ni Tuhan I

Ulaon ni Apostel 4:5-12

       I.            Patujolo

Secara umum, hita jolma mangido jala berusaha patupahon di bagasan ngolunta angka na mambahen lasniroha. Di si, adong ma olopolopta. Ragam do alana bahen marolopolop jolma. Na deba, ala jumpang na nihirim ni rohana. Deba nari, ala ni angka silasniroha na so tinagam. Na terakhir, ala malua sian angka parmaraan, sahit dohot abatabat na asing. Di bagasan olopolop tai, tarida do ise na ta olop on. Jala di bagasan i, tarida situasi dohot kondisi ni rohanta. Marolopolop manandahon las do rohanta. Di dok do, “roha na hilas manumpak hahisaron, alai anggo tondi na gondok pamalas holiholi.” Alani i marolopolop ma, jala endehon ma Jahowa. Di bagasan ololop i pe tahatindanghon do Debata. Songon goar ni mingguta Jubilate, lapatanna marolopolop tu Debata ma sude tano on. Ala ibana do manompa saluhut tano on dohot isina. Jala asi do rohaNa di tompaanNa i. Di minggu on pe na dipangido hita mangida jala manghilalahon sude pambahenan ni Debata di bagasan ngulonta marhite haporseaon. Alani i, inghon taolophon jala tahatindanghon do Debata di bagasan ngolunta ala nunga taida dohot tahilala huasoNa.

Mansai maol do marolopolop di na masa hagogotan. Alai justru olopolop ta tu Debata i do na palumbang rohanta jala namampargogoi hita. Gabe boi hita optimis dohot semangat mangadopi situasi na borat i. Songon i do si Petrus dohot di Johannes hatiha ditangkup nasida jala disidang di tonga ni angka sintua ni malim dohot angka siboto surat. Adong do punguan ni halak Jahudi na berwenang mengadili sasahalak taringot tu uhum Jahudi. Jala punguan on didok ma Sanhedrin. Di masa kekristenan perdana, mansai tanda do disogohon halak Jahudi angka sisean ni Kristus. Jala na manghaporseai Ibana pe sai dilele do. Nata pe godang angka pangambation, alai tetap do diulahon angka sisean i mambaritahon dohot manghatindanghon Kristus dohot huasoNa. Sebalikna, justru di pangambation i do dipatudu Kristus huaso Na gabe lam godang na porsea. Alani i do adong pandokkan, semakin dibabat semakin merambat. Jala di masa i, godang do na mate martyir (mate ala haporseaonna). Songon dia do alus ni angka sisean i di adopan sidang Sanhedrin i? Jala aha do na naeng taparsiajari sian on? Om ma na naeng taihuti di naparpudi on.

    II.            Hatorangan Ni Turpuk

1.     Ay. 5-7:Adong silang na ingkon diporsang di na naeng mangihut Kristus!

Keliru do hita molo, tadok kekristenan i holan mangalehon na tonggi, jala kesejahteraan. Justru Jesus mandok nanaeng mangihut Ibana, dipangido do diporsan silang jala pasoadahon diri. Balga do konsekuensi jala dang gampang gabe Kristen. Alani i sulingkit ma jo di bagasan rohanta, Kristen na murahan do hita manang Kristen na sejati. Molo murahan, i ma Kristen ala ni opung na Kristen, jala ala ikutikutan tu donganna. Alai molo Kristen na sejati, i ma na mangantusi konsekuensi dohot tanggungjawabna sebagai halak Kristen. Jala dang ditadingkon haporseaonna ala ro hagogotan. Na dia do hita?

Hamaolon dohot angka na jat do dijalo angka sisean i hatiha mangatindanghon barita nauli i. Jala di bagian on, di sidang do si Johannes dohot si Petrus. Dipatupa angka pangitua ni malim dohot si boto surat sada sungkunsungkun na menjebak. Ala di sidang on do na berhak mambahen keputusan laho manguhumi angka sisean i. Jala sungkunsungkun i taringot tu huaso ni ise do na dipatudu angka sisean i. Ala di tonga panindangion ni sisean i dipatupa do halongangon, songon pamalum halak na pangpang. Molo sanga dialusi alus na asing sian huaso ni Jahowa, inghon diuhum do nasida nadua. On ma sitaonon dohot hambatan di angka sisean i na uju i. Saonari mungkin konteksna nunga berbeda. Godang do angka hambatan di hita na beridentitas Kristen, dang saotik maol melamar parkarejoan, naik jabatan, pangkat, dohot na asing. Alai taingot ma asa unang tatanggalhon haporseaonta i ala ni i. Ingkon taingot do, pasupasu na sian Debata boi do tajalo sian na asing na dipatupa di tonga ni ngolunta. Marhitehite haporseaonta do ta ida dohot tahilala basabasa ni Debata.

2.     Ay. 8-10: Didongani Debata do angka na manindangkhon huasoNa!

Dipaboa do tu hita, na didongani Debata marhite tondiNa do si Petrus laho mangalusi sungkunsungkun i. Ndang biar ibana jala diboto do konsekuensi alusna i. Dihatindangkon ibana do Kristus dohot huaso Na. Jala dihatindangkon do goarNa namarhuaso di portibion. Di hasusaan, hagogotan, parungkilon, nang alani hakristenon, manang alani aha pe na masa di gulmit ni ngolunta, marhite haporseaonta, didongai Debata do hita laho mangadopi i. Jala ibana do mual ni habisuhan laho mangadopi saluhut angka hamaolon dohot hagogotan di ngolunta. Alai ingot ma ingkon tahaporsea i do Ibana. Tondi Na do na pasahaton di hita apulapul dohot na mandongani hita di portibi on. Bahen ma Kristus na marhuaso di ngolunta ganup. Jala haporseai, ida, hilalahon ma huasoNa. Jala olophon dohot hatindangkon ma Ibana di bagasan ngolunta.

3.     Ay. 11-12: Kristus do batu parsuhisuhi!

Dang holan na di ginjang i na dihatindangkon si Petrus. Didok ibana do muse Jesus Kristus i songon batu na binolongkon ni angka pande bagas. Di hata heber didok rosh lapatanna na parjolo, uluan manang na utama. Asa Jesus Kristus na gabe batu parsuhi, batu na parjolo bahen ojahan na hot jala na togu. Ai molo pajongjonghon bagas angka si pande bagas, ingkon adong do ojahan nasida laho mambahen dasor manang fondasi ni bangunan, jala mangihut sian i ma guruhonon pajongjong bagas i. Sian parumpamaan on naeng disinggung si Petrus do angka sintua ni malim dohot angka si boto surat. Jotjot do halaki manguhumi halak ndang sian hasalaanna, alai sian situasi na mambahen harugian tu angka sintua malim i. Songon Jesus ma sontohna, na dianggap mengganggu eksistensi dohot habisuhon ni angka sintua malim angka Parise, dohot si boto surat. Gabe marsada do halaki laho pasidingkon Jesus.

Sian on taida do pangurupion dohot pandonganan ni Debata tu sisean i. dang mabiar ibana, nata pe di tongatonga ni siding Sanhedrin. Ala secara pasti dohot tegas do dihatindangkon ibana Jesus do na gabe dasar manang pondasi ni ulaon na bolon di portibion. Kristus na nunga dibolongkon halak Jahudi songon batu na binolongkon alai nuaeng gabe sada fondasi na bolon tu ulaon parbaritaan  barita haluaon na sian Kristus. Dang adong haluaon na asing dungkon Kristus Jesus. Songon dia hita, barani manang sanggup do hita mandok holan Kristus do na baoi paluahon hita sian angka hagogotan? Taalusi ma di bagasan rohanta!

 III.       Panimpuli

1.      Marlasnirohama  siala na masa di ngolunta.

2.      Unang melos haporseaonta ala ni sitaonon na ro, alai di ma taida huaso ni Tuhanta i.

3.      Hatindangkon ma Kristus di ngolunta be, nata pe di bagasan sitaonon hita.

4.      Pasahat ma dirita tu Tuhan, asa dilehon tondiNa di hita laho mangadopi saluhut na masa.